ءوڭىر تۇرعىندارىنا جارىق پەن جىلۋ تاراتۋمەن اينالىساتىن الپاۋىت كاسىپورىن ەكولوگيالىق قورعاۋ شارالارىنا جىلىنا ورتا ەسەپپەن 800 ميلليون تەڭگە قاراستىرىپ كەلەدى. بيىل دا قورشاعان ورتاعا كەلتىرەتىن زالال كولەمىن ايتارلىقتاي ازايتىپ, زياندى قالدىقتاردى بارىنشا از شىعارۋعا, بۇل ماقساتقا وزىق تەحنولوگيالاردى كەڭىنەن قولدانۋعا مىندەتتەنىپ وتىر.
«سەۆكازەنەرگو» اق قورشاعان ورتانى قورعاۋ ءبولىمىنىڭ باسشىسى اننا ايتيكەەۆانىڭ ايتۋىنشا, مەكەمە جىلىنا زياندى زاتتاردىڭ شامامەن 30 مىڭ تونناسىن ءبولىپ شىعارادى. بەرىلگەن نورما – 48 مىڭ توننا. ياعني, بولىنگەن قوماقتى قاراجات ماقساتتى جۇمسالىپ جاتىر دەگەن ءسوز.
كومپانيانىڭ ەنشىلەس قۇرىلىمى- № 2 پەتروپاۆل جىلۋ ەلەكتر ورتالىعىندا ەكولوگيالىق مونيتورينگ زەرتحاناسى جۇمىس ىستەيدى. مۇندا ماماندار ءتۇرلى سىناقتار جۇرگىزىپ, زياندى زاتتاردىڭ اۋاعا, جەرگە جانە سۋعا شامادان تىس شىعارىلماۋىن جۇيەلى قاداعالاپ وتىرادى.
«ساراپتاما جۇرگىزەتىن ارنايى بەكەتتەر اتموسفەرالىق اۋانىڭ, سۋدىڭ جانە توپىراقتىڭ سىنامالارىن الىپ, ولاردىڭ قۇرامىنداعى زياندى قالدىقتاردىڭ مولشەرىن انىقتايدى. ەگەر ول رۇقسات ەتىلگەن مولشەردەن ارتىق بولسا, بىردەن قورشاعان ورتانى قورعاۋ بولىمىنە ەسكەرتۋ حات جولدانادى. ءسويتىپ ءتيىستى شارالار قولدانىلادى» دەيدى ەكولوگيالىق مونيتورينگ زەرتحاناسىنىڭ جەتەكشىسى ۆالەنتينا كروتەۆيچ.
«سەۆكازەنەرگو» اق-ى پەتروپاۆلعا ەلەكتر قۋاتىن جىبەرەتىن قۇرىلعىلاردىڭ باسىم بولىگىن الماستىرىپ, جاڭالارىن ورناتتى. ولار ەندى مايمەن ەمەس, گازبەن جۇمىس ىستەيدى. ەكولوگيالىق تازا وندىرىسكە كوشۋدەگى ماڭىزدى قادام ءوزىن-ءوزى اقتاپ وتىر. بۇگىندە جەو-داعى 12 قازاندىقتىڭ بارلىعىنا تيتاندىق ەمۋلگاتورلار, ياعني ارنايى سۇزگىلەر قويىلعان. ولار قورشاعان ورتانى لاستايتىن كۇكىرت, مازۋت شايىرى مەن كۇيە سىندى قالدىقتاردى وزىندە ۇستاپ قالادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
